اسلحہ لائسنسوں کے اجراء کی نئی پالیسی کا اعلان کردیا ،درخواست گزار کون سی دستاویزات جمع کرائے گا؟ تفصیلات جاری کر دی گئیں – اردو ٹاک

اسلام آباد (آئی این پی)وفاقی وزارت داخلہ کی طرف سے غیر ممنو عہ بور کے اسلحہ لائسنس کے اجراء پر عائد پابندی کے خاتمے کی روشنی میں اسلام آباد کی ضلعی انتظامیہ نے بھی اسلحہ لائسنسوں کے اجراء کی نئی پالیسی کا اعلان کر دیا،جس کے مطابق درخواست گزار کیلئے دیگر ضروری دستاویزات کے ساتھ نیشنل ٹیکس نمبرکے سرٹیفکیٹ کی مصدقہ کاپی جمع کرانا لازمی قرار دے دی گئی،

ضلعی انتظامیہ نادرا کے ذریعے غیر ممنوعہ بور کے کمپیوٹرائزڈ اسلحہ لائسنس جاری کرے گی،درخواست گزار کی متعلقہ تھانے اور پولیس کی سپیشل برانچ کے ذریعے کلیئرنس رپورٹ لی جائے گی۔بدھ کو ڈپٹی کمشنر اسلام آباد کی طرف سے جاری نوٹیفکیشن اور اسلحہ لائسنسوں کے اجراء کیلئے وضع کردہ نئے ایس او پی کے مطابق اسلحہ لائسنس تمام قانونی تقاضے پورے کرنے کے بعد وزارت داخلہ کی ہدایت کی روشنی میں جاری کئے جائیں گے،ضلعی انتظامیہ غیر ممنوعہ بور کے سیمی اورنان آٹومیٹک شارٹ گن،پمپ ایکشن، ریوالور، پستول اور رائفل کے لائسنس جاری کرے گی، لائسنس پہلے آئیے پہلے پائیے کی بنیاد پر ہوں گے اور جنرل پبلک کیلئے ماہانہ 100لائسنس کا کوٹہ مختص کیا گیا ہے،لائسنس کے حصول کیلئے آنے والی درخواست کی ایک ہفتہ کے اندر متعلقہ تھانے اور پولیس کی سپیشل برانچ سے تصدیق کروائی جائے گی اور درخواست گزار سے متعلق رپورٹ لی جائے گی۔ ضلعی انتظامیہ کی طرف سے منظوری کے بعد نادرا کمپیوٹرائزڈ اسلحہ لائسنس کا دو ہفتوں کے اندر اجراء کرے گی، اسلحہ لائسنس درخواست موصول ہونے کے ایک ماہ کے اندر جاری ہوں گے۔

The post اسلحہ لائسنسوں کے اجراء کی نئی پالیسی کا اعلان کردیا ،درخواست گزار کون سی دستاویزات جمع کرائے گا؟ تفصیلات جاری کر دی گئیں appeared first on JavedCh.Com.



Source link

اپنا تبصرہ بھیجیں

Time limit is exhausted. Please reload the CAPTCHA.