خبردار ہوشیار حجامہ کرانا سے پہلے یہ ضرور پڑھ لیں ،عطائی حجامہ ساز سرگرم، حجامہ کے نام پر عوام کی صحت سے کھیلنے لگے، محکمہ صحت کے قابو سے باہر ہو گئے – اردو ٹاک

رائے ونڈ ( نیوز ڈیسک) بیرون تبلیغی مرکز بازار میں حجامہ کے نام پر عوام کی صحت سے کھیلنے والے عطائی محکمہ صحت کے قابو میں نہ آسکے ،سربمہر کی گئی دکانیں مختلف طریقوں سے کھول کر اپنا سازاسامان نکال لیا اور چوری چھپے بیماریاں پھیلانے کا دھندہ جاری رکھے ہوئے ہیں ،تبلیغی مرکز بازار میں تبلیغی مندوبین کو دونوں ہاتھوں سے لوٹنے کا سلسلہ تو صدیوں سے جاری ہے ،اشیاء خوردونوش سمیت دنیا بھر کی اشیاء ضروریہ عام بازاروں سے کہیں مہنگے داموں فروخت کی جاتی ہیں

اور کوئی پوچھنے والا نہیں ،اس طرح غیر ملکی مندوبین کی کھال ادھیڑکر یہاں کے لالچی لوگوں نے اربوں کی جائیدادیں بنالی ہیں لیکن تبلیغی جماعت سے وابستہ افراد نے کبھی کسی سے کوئی شکوہ نہیں کیا ،اس بات کی دیکھا دیکھی پچھلے چند مہینوں سے یہاں پر اچانک حجامہ کرنے والے نامعلوم مشکوک افراد نے تبلیغی مرکز کے اطراف میں یلغار کردی اور رسول اللہ ؐ کی حجامہ کروانے کی سنت پوری کرنے کے نام پر تبلیغی مندوبین کو بیدردی سے لوٹنا شروع کردیا ہے،عطائی حجامہ ساز بغیر حفاظتی اقدامات مندوبین کا حجامہ کرتے ہیں ،جس کی وجہ سے سینکڑوں افراد جلدی امراض میں مبتلا ہوکر بیماریاں سمیٹ چکے ہیں ،لیکن وہ اس کو اللہ کی رضا کہتے ہیں،محکمہ صحت کی ٹیم نے خفیہ اطلاع پر گزشتہ دنوں ان عطائی حجامہ سنٹروں کا گرینڈ آپریشن کیا اور تمام حجامہ سنٹروں کو مضر صحت قرار دیتے ہوئے سربمہر کردیا گیا ،لیکن اس کے بعد سربمہر کئے گئے سنٹروں کے مالکان نے اپنی دکانوں کو آگے پیچھے سے نقب لگاکر اندر سے ضروری سامان نکال لیا اور ارد گرد نئے سرے سے کام شروع کردیا ہے ،دوسری طرح تبلیغی مندوبین جو کہ حجامہ کے عادی بن چکے ہیں ،چوری چھپے حجامہ کروانے کے ان عطائیوں کو پہلے سے دوگنا سروس چارجز ادا کررہے ہیں ،اس سلسلے میں تبلیغی جماعت کے اکابرین نے اپنا مؤقف دینے سے گریز کیا ہے ،ہمیشہ کی طرح میڈیا کو بھی کسی نے شکائت نہیں کی بلکہ صحافیوں نے اپنی ذمہ داری سمجھتے ہوئے مذکورہ تشویش ناک صورت حال محکمہ تک واضح کی ہے تاکہ عوام کی صحت محفوظ رہے ۔

The post خبردار ہوشیار حجامہ کرانا سے پہلے یہ ضرور پڑھ لیں ،عطائی حجامہ ساز سرگرم، حجامہ کے نام پر عوام کی صحت سے کھیلنے لگے، محکمہ صحت کے قابو سے باہر ہو گئے appeared first on JavedCh.Com.



Source link

اپنا تبصرہ بھیجیں

Time limit is exhausted. Please reload the CAPTCHA.